ADOLESHENCË MENDORE
Thith-
Cigare imagjinare.
Në stola parku të verdhë
Që vetëm për t'u çlodhur s'janë bërë.
Nxjerr-
Psherëtima reale.
Që i trembin zogjtë e tulatur
Që orën e gjumit harruan e rrinë të soditin.
Sheh-
Marramëndje resh.
Që era i shtyn, e i merr, e i ngre
Për t'i ulur prapë.
Harron
Kohën vendin tënden imagjinatë
Mugun që dhelprën e zgjon
që të mbijetojë dhe një natë.
Prek
Ujëvara flokësh të lidhur.
Që s'e duan karficën që i mban peng
Kur supev'e gushave duan të derdhen e të shesin mend.
No comments:
Post a Comment