Pak realizëm e ka dhe idealisti
Që të mund të hajë, të rrojë, të ideojë
Pak romantikë e ka dhe realisti
Që shpesh a rrallë nga pak të ëndërrojë
Pak stil teknik e ka dhe romantiku
Që momentin e duhur të gjuajtjes të dallojë
Pak alkimi e di dhe teknokrati
Se ndryshe rastësinë s'mund t'përballojë
Pak Yin në Yang është fakt si vetë jeta
Edhe matematikes i duhet ta pranojë.
Nga pak të gjithë ndryshojmë nga vetvetja
Ndaj mirë është dhe veten ta dëgjojmë.
No comments:
Post a Comment