I ndryshëm
Ritmi i mëngjeseve
Nga dita.
Kronometrike ndarja
E mendimeve
Veprimeve.
E fokusuar.
Si sprinteri që 100 metërshin
Me numur frymëmarrjesh mat.
30 sekonda shtriqje
2 min larje dhëmbësh
10 min buke
Kafe
Tesha
Procedura përsëritëse
Lista mendore gjërash të bëra a të harruara vetëtijnë e zhduken.
E përsëri
Në preçizionin kohëshfrytëzues
Gjithmonë gjendet kohë
Për gjërat e mira.
Një a njëqind milisekonda puthje
Që dita e eklipseve
Mbarë të vejë
Si jeta.
No comments:
Post a Comment