Information overload

Nuk jam e lodhur. Jam hiperaktive por nuk dua te bej asgje.
Kompjuteri zhurmon si zakonisht.
Qe kur i nderrova trurin funksionon mire por ventilatori i ben zhurme.
Sic duket nuk ja kam shtrenguar vidhat tamam.

Shtrengoi vidhat ose me sakte te jane liruar vidhat eshte nje shprehje qe e perdor shume daja.
Se bashku me .... se lirohesh. Megjithate kete te fundit e ka me shume nga birra. Se ciles ja njeh te gjitha proceset mekanike te prodhimit dhe mund t'i thote edhe ne enderr.

Daja eshte si vellai qe nuk kam. Kam konkuruar gjithmone me te. Per djathin kackavall qe nena e vinte menjane per djalin e vetem por qe e haja une, mbesa e vetme. Per perqafimet e saj. Per te gjetur celesin e sirtarit me celes ne komone e madhe ku ruheshin gjerat e vyera. Cumcakizat Joy dhe tutti-frutti, ora e dores, unaza e floririt e gjyshit qe ruhej per t'u bere me vone dy unaza (per dajen dhe nusen e tij ashtu si e nenes ishte ndare per prinderit e mi).

Daja qe dilte gjithmone me Titin dhe nuk kthehej ne orarin e duhur. Qe vershellente me Samiune katit te pare dhe i ngrinte nervat Vangjelit. Daja qe me mesoi anglishten dhe kokefortesine. Daja me te cilin zbertheja televizoret (Lura dhe Iliria- apo Iliria ishin vetem radiot) dhe ndertoja antena. Qe me dha librin e pare anglisht " The citadel" te gjetur s'di se ku.

Zzzzzzzzzzzzzzzzzz televizori, nje faqe interneti, dicka qe rrezohet ne katin e pare, nje telefonate qe nuk e bera, nje mesazh sms qe sapo erdhi, nje urim ditelindjeje per vajzen e halles, lajme te lexuara, te degjuara, kujtime, krijime, etj etj etj. Information overload.
Hiperaktiviteti ulet. Nuk ja vlen te jesh hiperaktive kur nuk do te besh asgje.
Nuk ja vlen as te paralizohesh nga moria e gjerave te mundshme.

Eshte koha te fle. Koha per rigjenerim. Hiperaktivitet produktiv te pandergjegjshem.